Kyk na Jesus.

 Mat.14:26  En toe die dissipels Hom op die see  sien loop, word hulle ontsteld en
sê: Dit is ‘n spook! En hulle het  geskreeu van vrees.
 
27  Maar Jesus het dadelik met hulle  gespreek en gesê: Hou goeie moed, dit is Ek! Moenie
vrees nie. 
28  En Petrus antwoord Hom en sê: Here,  as dit U is, beveel my om op die water  na U te kom. 
29  En Hy sê:  Kom! Petrus klim toe van die  skuit af en loop op di 
water  om na Jesus te  gaan. 
30 Maar toe hy die sterk wind sien, het hy bang geword; en toe hy begin sink, roep  hy uit en sê: Here, red my! 
31 Jesus het dadelik sy hand uitgesteek en hom gegryp en vir hom  gesê: Kleingelowige,
waarom het jy getwyfel?   
Petrus  het op die water geloop, maar  hy het  begin sink toe hy  sy oë van Jesus
af wegdraai en begin kyk  na  die golwe en die wind.  Sy geloof het
eerste gesink, want hy het vergeet ons wandel deur geloof en  nie aanskouing
nie (2Kor.5:7). 
Jy  mag dalk  nie besig  wees  om op water te loop  nie, maar jou  probleem is  net so groot. Die wind  waai en die golwe  bruis, moenie daarna  kyk  nie, kyk  na Jesus. Moenie na die omstandighede kyk  nie, jy gaan sink, hou jou  oë op Jesus gevestig, Hy is die enigste een  wat
werklik kan help en Hy wil.  Volhard in die geloof, waak daarin met danksegging en jy
sal  ook op die water loop.

Gebed.
Baie dankie Vader,  dat Jesus nog steeds daar is om my te  help as  ek wil sink. Amen.