Psalm 31:16 NV
Die Psalmskrywer skryf: "... ek vertrou op U, Here... My tye is in U hand..." (Ps 31:15-16 NV). Soos wat jy 'n pad met die Here stap, sal jy vind dat jy baie meer wag as wat jy ontvang. En as jy ontvang het waarvoor jy gewag het, begin jy wag vir iets anders! Paulus skryf: "Laat ons dan nie moeg word om goed te doen nie, want... ons [sal] op die bestemde tyd ook die oes insamel." (Gal 6:9 NV). Die "bestemde tyd" is wanneer God weet dat die tyd reg is, nie wanneer jy dink dit is nie. God het 'n vaste tyd wanneer Hy goed in jou lewe wil laat gebeur, en dis wanneer dit gaan gebeur; nie 'n oomblik vroeër nie. Die Here weet wat jy nodig het, wanneer jy dit nodig het, en hoe om dit by jou te kry. Jy wonder dalk wat jy moet doen terwyl jy wag. Vertrou op Hom! Een Bybelkundige skryf: "Die Here het my geleer om die lewe wat ek nou het aan te hou lewe terwyl ek wag vir die dinge wat in my hart is. Ons raak so gefokus daarop om die volgende ding te sien gebeur dat ons nie die dinge geniet wat nou in ons lewens is nie. Ek het 'n visie van die Here gekry tien jaar voor ek begin sien het hoe dit vervul word. Gedurende daardie jare het ek heelwat vreugdes gemis omdat ek dinge aan die gang probeer kry het buite God se tydsberekening. Leer om te geniet waar jy is, terwyl jy besig is om te wag om te kom waar jy wil wees." Sielskos: Hand 12-13; Matt 9:14-26; Ps 123; Spr 16:1 "Daniël het homself voorgeneem om hom nie met die koning se kos en wyn te verontreinig nie..." Daniël en sy vriende het reeds geweet wat hulle gaan doen, brandende oond of nie. "Ons het ons God vir wie ons dien. Hy het die mag om ons te red... en Hy sal ons ook red... Selfs as Hy dit nie doen nie, moet u weet dat ons nie u god sal dien nie..." (Dan 3:17-18 NV). Wat glo jy oor God? As jy dink dat Hy jou dalk in die steek mag laat, het jy jouself nog nooit ten volle aan Hom oorgegee nie. Toewyding is iets wat geleidelik groei! Die drie Hebreeuse jongmense het geweier om die koning se kos te eet, en later kon hulle weier om sy afgode te aanbid. Jy kry nie sommer eensklaps daardie soort geloof nie. Die meeste van ons kan 'n punt identifiseer waar ons lewens dramaties verander het. Ons het 'n besluit geneem wat ons lewens van daardie punt af vorentoe sou beïnvloed. Voordat jy jouself egter waarlik aan iets kan verbind, moet jy drie probleme oorkom:
Vra jouself dus af: "Is ek oorgerus of het ek oorgegee?" Sielskos: Hand 10-11; Matt 9:1-13; Ps 118:19-29; Spr 15:33 Toe die Ou-Testamentiese tabernakel gebou moes word, het God vir Moses gesê: "Sorg dat jy alles maak presies volgens die planne wat Ek vir jou... gewys het." (Eksodus 25:40 NLV). Of jy nou bou aan 'n verhouding, 'n loopbaan, 'n besigheid of 'n bediening, dit sal altyd sekere elemente vereis. Die eerste is opoffering - die bou van die tabernakel begin met hierdie woorde: "Sê vir die Israeliete hulle moet elkeen vir My 'n offergawe bring. Julle moet die offergawes aanvaar soos dit vir My aangebied word..." (Eksodus 25:2 NV). Hoekom sal 'n God wat Sy strate met goud kan plavei 'n offer van jou vra? Omdat jy net aan iets jou volle aandag sal gee, op sal pas, dit prioritiseer en beskerm as jy 'n persoonlike belegging daarin het. Pastoor vra die Here vir die plan en dan vra jy die mense vir die geld; nie andersom nie. Leer jou mense om volgens hierdie beginsel te leef: "Gee tot dit seermaak, gee tot dit ophou seermaak, gee tot dit goed voel." Paulus het die volgende geskryf oor die vrygewigheid van die Christene in Masedonië: "Al is hulle ook hewig getoets deur swaarkry, het hulle uitermate blymoedig gebly, en hulle groot armoede het uitgeloop op oorvloedige vrygewigheid. Ek getuig dat hulle... selfs bo hulle vermoë gewillig was. Met groot aandrang het hulle ons gesmeek om te mag deelneem... Dit was nie soos ons dit verwag het nie; eers het hulle hulleself aan die Here gegee, en toe aan ons sodat hulle kon optree volgens die wil van God." (2 Korintiërs 8:2-5 NLV). Is jy gewillig om op te offer?
Sielskos: Dan 3-4; Matt 8:18-27; Ps 84; Spr. 2:16-19 Dis tyd om by te kom as God drie keer vir jou dieselfde ding sê: "Die regverdiges... sal deur hulle geloof lewe." (Habakuk 2:4 (NLV); Romeine 1:17 en Galasiërs 3:11). God het geloof duidelik die enigste manier gemaak waarop 'n mens kan lewe. "As jy nie glo nie, is dit onmoontlik om God tevrede te stel. Wie tot God wil nader, moet glo dat Hy werklik daar is en dat Hy die wat na Hom soek, beloon." (Hebreërs 11:6 NLV). Kom ons dink na oor vrae in hierdie verband: 1) Wie is 'die vrygespreektes'? Paulus skryf: "... weet dat niemand deur die wet te onderhou deur God vrygespreek word nie. Net deur die geloof in Jesus Christus kan dit gebeur! Selfs ons het tot geloof in Christus Jesus gekom sodat ons deur geloof... vrygespreek kan word." (Galasiërs 2:16 NLV). Vryspreking kan nie verdien word nie - dis 'n geskenk wat jy deur geloof ontvang. As jy jou vertroue in Christus geplaas het, word jy ten volle aanvaar in God se oë. 2) Wat beteken dit om 'te lewe'? Paulus sê: "... ons lewe deur geloof, nie deur sien nie..." Om te lewe beteken nie dat jy doelloos rondsit en wag op die wegraping nie. Om te lewe vra dat jy gemotiveerd is en dat jy in 'n bepaalde rigting beweeg om 'n doelwit te behaal. Jy is toegewyd daaraan om jou energie en hulpbronne te gebruik om jou Godgegewe bestemming en doel te bereik. Om in geloof te lewe, beteken dat jy voortdurend vorentoe beweeg met die doel om God se plan vir jou lewe te volbring.
Sielskos: Num. 4:34-6:27; Matt 10:32-42; Ps 104:24-35; Spr. 3:11-12 Hier is nog 'n vraag om oor na te dink: Wat beteken dit om 'te lewe deur te sien'? (2 Korintiërs 5:7 NV). Dit beteken dat jou lewe gebaseer is op die manier waarop dinge vir die natuurlike oog lyk; jy maak besluite maak en tree op volgens jou gevoelens en gedagtes. Moenie dat hulle jou verlam nie. Gebruik jou Geesbeheerde temperament om hulle onder beheer te kry. Ons is dikwels vasgevang tussen geloof en twyfel; tussen dit wat ons veranderde gees sê en wat ons vleeslike verstand sê. Op 'n dag het 'n radelose man sy seun na Jesus gebring sodat Hy hom kon genees. Jesus het vir hom gesê: "As 'n mens glo, is alles moontlik!"(Markus 9:23 NLV). Op daardie stadium het die seun se pa gesê: "Ek glo!... Help my tog om nie meer te twyfel nie!" Met tye twyfel en glo ons gelyktydig. Hierdie man was eerlik oor sy twyfel, en Jesus het steeds vir hom die wonderwerk laat gebeur. As hy nie werklik geloof gehad het nie, sou die Here dit weet. Maar Jesus het sy geloofsverklaring aanvaar ten spyte van sy twyfel. Hierin lê drie lesse vir ons: 1) Moenie bang wees om jou twyfel te erken nie. 2) Moenie dat jou twyfel jou geloof oorheers nie. God se Woord hieroor is God se wil vir jou; staan vas daarop. 3) Gee jou twyfel aan die Here en sê: "Ek glo; help my om nie te twyfel nie!" Hoe lank neem dit om te leer om in geloof te lewe? 'n Leeftyd!
Sielskos: Num. 7; Matt 11:1-9; Ps 107:1-9; Spr. 3:13-18 Wat beteken dit om "deur geloof te lewe"? (2 Korintiërs 5:7 NV). Dis radikaal anders as om te lewe deur sig, rede, emosie of intellek. Dit vra van jou om bo hierdie dinge te lewe. Dit stel jou in staat om die terrein van bonatuurlike moontlikhede binne te gaan omdat Jesus gesê het: "As 'n mens glo, is alles moontlik!" (Markus 9:23 NLV). Hier is 'n paar Skrifbeginsels oor geloof om jou te help: 1) Dit is nie gebaseer op menslike pogings nie. Selfvertroue, intellektuele vermoë, optimisme, geluk en jou sosiale netwerk help 'n mens niks. Dit help ook nie om godsdienstige formules te probeer leer nie. 2) Dit is gebaseer op God se onbeperkte krag en onveranderende Woord. Die Woord van God, wat jy ontvang en wat binne jou lewe, skep voortdurend geloof in jou. Daar is geen werk nodig nie; jy besluit eenvoudig om te glo wat God sê en daarop te reageer. 3) Om in geloof te lewe, vra aksie. "...wys dan vir my jou geloof wat sonder dade is, en ek sal jou my geloof wys uit my dade." (Jakobus 2:18 NV). Jou geloof is nutteloos totdat jou dade dit begin wys. Die oomblik as jy iets doen, word jou geloof lewend en nooi dit God uit om namens jou op te tree. Hy wag vandag vir jou om iets te doen sodat Hy daarop kan reageer. Selfs al voel jy nie lus nie, vra jouself af: "Wat sal my eerste stap in geloof wees as ek regtig wou aksie neem?" Doen dit! Jy sal in geloof lewe en die beloning ontvang! (Hebreërs 11:6).Sielskos: Num. 8-10; Matt 11:10-19; Ps 107:10-16; Spr. 3:19-20
|
Ana & Andre Schoonbee God uses us to motivate and encourage the body. Authors
All
Archives
June 2015
|